Cáritas Diocesana de Santiago, a través do seu Programa A Beira, abre o prazo de inscrición para o Curso de Dependente/a de Comercio. A proposta formativa está pensada para mellorar as competencias profesionais de persoas en situación de vulnerabilidade social.
A formación terá lugar na sede de Cáritas na Carreira do Conde, 14, entre o 27 de outubro e o 17 de novembro, en horario de luns a venres de 09:00 a 14:00 horas.
O curso, de 160 horas de duración, está dividido en dúas partes:
- 80 horas teórico-prácticas, centradas en atención ao cliente, xestión de produtos e técnicas de venda.
- 80 horas de prácticas profesionais non laborais, en empresas do sector comercial, que permitirán aplicar os coñecementos adquiridos en contornos reais.
A formación é gratuíta e está dirixida a persoas que desexen mellorar a súa empregabilidade e acceder a novas oportunidades laborais.
Para máis información ou inscricións:
Teléfono: 981 55 44 33
Correo electrónico: empleo.cdsantiago@caritas-santiago.org
Cáritas continúa apostando pola formación como ferramenta de transformación social e acceso ao emprego digno.
