No marco do Ano Xubilar da Esperanza 2025, a Delegación para o Laicado da Arquidiocese de Santiago de Compostela organiza o Xubileo do Apostolado Seglar, que se celebrará o vindeiro sábado 7 de xuño en Ribeira, co lema «Testemuñas de Esperanza no mundo».
Cáritas Diocesana de Santiago de Compostela participa activamente nesta xornada festiva, aberta e gratuíta, promovendo espazos de encontro, diálogo e compromiso social. Con este espírito, a recadación voluntaria durante o evento irá destinada ao Programa Vagalume, que ofrece acompañamento integral a mulleres en contextos de prostitución e vítimas de trata, ofrecendo alternativas reais de esperanza e dignidade.
O Programa Vagalume, desenvolvido por Cáritas xunto coas Irmás Oblatas, intervén directamente nos lugares onde se exerce a prostitución (clubs e pisos), ofrecendo información sociosanitaria e dando a coñecer os recursos dispoñibles. Ademais, fomenta o empoderamento e a autonomía das mulleres desde un enfoque de dereitos e de xénero, e traballa activamente na sensibilización da sociedade sobre a realidade das vítimas da trata con fins de explotación sexual.
A información detallada do programa e a inscripción está disponible neste enlace.
